Álbum da cantante francesa adicado á poesía e teatro de Federico García Lorca, onde interpreta pezas das obras Poema del Cante Jondo, Romancero Gitano, Poeta en Nueva York, Llanto Por Ignacio Sanchez Mejias e Diván del Tamarit. Editado polo selo francés Le Chant du Monde.
Estupenda escolma de cancións populares de todo o país: galegas, asturianas, vascas, catalanas, castellanas, andaluzas... Trátase da reedición ampliada do Mini LP que publicara tamén o selo francés Le Chant du Monde en 1953, co subtítulo de 13 chansons populaires d'Spagna.
Primeiro disco de Patxi Vilamor con letras e músicas propias e de Josu Zabala. Patxi non volvería editar disco ata o ano 2000.
Mini LP da formación castelá Dublin, no que colaboran músicos de categoría como Javier Bergia e Luis Delgado. Producido polo propio Luis Delgado.
As palabras dos galegos é un traballo publicado en casete e
gravado no estudio Sonyarte (Vigo) no ano 1998. Está composto por
cantigas de natureza variada, aínda que predomina a temática combatente e
reivindicativa.
Xerardo Moscoso, un dos cantantes do colectivo da nova canción galega Voces Ceibes publica, ademais dos dous EPs co colectivo, os dous LPs que podedes descargar na seguinte ligazón, o máis descoñecido Galicia de 1976 e Acción Galega de 1977.
Disco colectivo portugués, da chamada Música da Intervenção. Inclúe versións orixinais de José Afonso e Adriano Correia de Oliveira, ademais do Conjunto Movimento que fai dúas cancións, que parecen orixinais, para o disco, e a formación O Povo, que interpreta Avante Camarada! de Luis Cilia e A Internacional, ambas publicadas en single.
Disco integramente dedicado á poesía de Manuel María, apereceu no libro de Manuel María Os Lonxes do Solpor. Máis adiante Uxía publicaría outros discos dedicados ao mesmo autor.
Único LP do cantautor asturián máis coñecido como Manuel de Cimadevilla, coñecido tamén como Manolín 'El Nietu' Celo Xuan, cantante do colectivo Nuevu Canciu Astur. O arquivo de descarga inclúe os singles Ay Rapacina! e Dixieland de 1980, publicados co nome de Manolín 'El Nietu' e o LP Dejadme a mi Aire de 1982
Disco colectivo dedicado ao músico vasco J. B. Elizanburu, no que interveñen multitude de artistas como Erramun Martikorena, Maite Idirin, Anje Duhalde, Pantxoa eta Peio, Txomin Artola, Beñat Achiary ou Pier Paul Bertzaitz entre os máis destacados.
Esta gravación está tomada dun dos dous casetes do concerto. Corresponden ás caras B de cada un dos vinilos.
Terceiro disco deste cantautor arxentino. Publicado hai tempo no blog Los Que Ya no se Venden (se non lembro mal)
Non teño moita información deste artista, parece ser o único disco que sacou este chileno exiliado na España. Tódalas cancións con letra e música do autor.
Escolma de cancións que o cantante italiano Pino Masi publicou en singles co selo Lotta Continua, editora discográfica da organización de esquerdas Lotta Continua.
No ano 1979 a agrupación Iregua, formada por
Jesús Vicente Aguirre, Iñaki Ramos, Paco Marín, Rafael Ibárrula "Chafa",
Jesús Fernández Berdejo "Chuchi", Gavi Lozano, David Fernández Torrell e
Rupert Gil, publica dous discos en formato single coa editora vasca
Tic-Tac. Este é o primeiro deles, no que acompañan á Antonieta Larrea, que canta unha canción propia, adicada ao recén recoñecido cemiterio civil de La Barranca, e máis o poema Romance de la Luna de Federico García Lorca.
No ano 1979 a agrupación Iregua, formada por
Jesús Vicente Aguirre, Iñaki Ramos, Paco Marín, Rafael Ibárrula "Chafa",
Jesús Fernández Berdejo "Chuchi", Gavi Lozano, David Fernández Torrell e
Rupert Gil, publica dous discos en formato single coa editora vasca Tic-Tac. Este é o segundo deles, no que acompañan á formación Vendema, dúo formado por Juancho Ruiz e Pedro Tirado, publican soamente este single con dúas cancións escritas por Paco Marín.
Segundo disco da formación folk de Eivissa UC, composta por Joan Marí, Joan Murenu, Isidor Marí e Victorí Planells.
José Menese gravou este disco en 1978. Trátase dun dos discos máis políticos do cantaor, e referencia do movemento musical Nuevo Flamenco. José Menese expoñe dende a primeira canción a denuncia do franquismo que tantos anos deu de sufrimento á España, e ao povo andaluz.
Un dos moitísimos LPs do folklorista Joaquín Díaz. É unha escolma de cancións tradicionales recollidas por Joaquín en diversos povos de Castilla. Non estou seguro de que estivese pola web así que suboo.
Músicas que acompañan ao libro Antifona De Otoño En El Valle del Bierzo de Juan Carlos Mestre interpretadas por Amancio Prada, Luis Delgado, Pedro Sarmiento, Cuco Pérez e Rafael Domínguez, e recitados do propio Juan Carlos Mestre. Este libro apareceu por vez primeira en 1985 e as gravaciones publicáronse na reedición de Calambur de 2003.
Los Talaos é un grupo de dulzaineros centenario de Madrid. Na formación actual están algúns dos netos do fundador Estanislao Sánchez "El Talao". Neste CD + DVD conmemóranse os 120 anos da formación.
Publicado xunto ao libro O Meu Primeiro Celso Emilio con cancións feitas ao longo dos anos sobre poemas de Celso Emilio Ferreiro e interpretadas por Maria Manoela, Xiana Lastra, Mini e Mero. Se non lembro mal foi o segundo libro desta coleción, despois de se xuntaren para facer A Miña Primeira Rosalía. Publicado por Xerais
Primeiro disco, como dúo, de Manuela e Miguel (María Manuela e Miguel Varela) que leva por título o poema de Celso Emilio Ferreiro que versionan. Gravado nos estudios Xoxoa de Euskadi e publicado por Ruada.
Disco do dúo Manuela e Miguel (María Manoela e Miguel Varela) que acompañaba o libro de cancións infantís en galego Cancións de Nobelos de Papel. Hai tempo conseguín o casete desta gravación que non chegou publicarse noutro formato. 
Kardantxa foi o selo co que a discográfica Movieplay publicaba os discos de música que publicaba en Euskaro. Artistas como Jon Bergaretxe, Iñaki Eizmendi, Gorka Knorr, Miren Aranburu ou Niko Etxart. Na seguinte ligazón tedes os dous discos compilatorios que publicou Kardantxa no ano 1977 cunha escolma de cancións de Iñaki Eizmendi, Gorka Knorr, Miren Aranburu e algunhas formacións de Txistularis, Coros e Tamborradas.
Publicado polo selo italiano Dischi del Sole en 1965 e reeditado en CD polo selo francés Harmonia Mundi en 2000. A formación Il Nuovo Canzoniere Italiano composta por Fausto Amodei, Pino Masi, Claudio Bernieri e Ivan Della Mea, conta coa colaboración de Michele L. Straniero, Giovanna Marini, Sandra Mantovani e Caterina Bueno que poñen a súa voz en cancións políticas italianas como o Bella Ciao, A 'Ttocchi A 'Ttocchi, O Gorizia Tu Sei Maledetta ou Addio Lugano.
Disco gravado en Lisboa no ano 1975 por compoñentes dos coros da Fundaçao Calouste Gulbenkian e do Teatro de S. Carlos. Cantos da Música da Intervençao Portuguesa como Portugal Ressuscitado, Avante Camarada ou Alerta, aínda que o máis importante do disco son as versións ao portugués de cancións como Les Partisans, Bandeira Rubra, A Internacional, O Hino da Juvebtude Democrática, La Varsovienne (de onde ven a música da canción A las Barricadas) e Os Quatro Generais.
Agrupación de música ambiental formada por Juan Alberto Arteche Gual, Luis Delgado e Javier Bergia a principios dos 80, con músicas similares as do outro grupo de Luis Delgado e Javier Bergia: Ishinohana. Javier Paxariño colabora no seu terceiro disco, Amazonia, actualmente reeditado en Xapón.
Unha estupenda escolma de cancións do folklore estadounidense publicado por Folkways e Le Chant du Monde [FWX 50107-8] no segundo centenario dos estados unidos. Neste disco, que divide as cancións por épocas e temática interveñen Pete Seeger, Almanac Singers, Woody Guthrie, Blind Boy Grunt (alcume de Bob Dylan) e Cisco Houston entre outros. Podedes atopar máis información na páxina de Discogs
Disco de panxoliñas castelás interpretadas por Joaquín Díaz, Amancio Prada, Candeal, Luis Delgado e Javier Bergia entre outros.
Disco colectivo de cantigas de berce interpretadas por La Musgaña, Jabier Muguruza, Eliseo Parra ou Lidia Pujol.
Disco de novas cancións infantís escritas por Pablo Guerrero e interpretadas por Javier Bergia, Ismael Serrano, Jorge Drexler, Suburbano, Aute, Labordeta, Imanol, Luis Pastor ou Pedro Guerra entre outros.
Único disco deste cantante
Arxentino afincado na España dende 1977. Gravado por Moshè Naïm en 1971 e
publicado por Ten Records na Arxentina e por IRT en Chile. Poni é
poeta, escritor, pintor e médico ademais de cantante. Os seus poemas
foron tamén interpretados por Soledad Bravo e por Claudina y Alberto
Gambino. Atopado no blog Los que ya no se Venden
